Ana njerëzore e Osama Bin Ladenit

Ana njerëzore e Osama Bin Ladenit

03 nëntor 2017 23:36

Zbulimi nga CIA i dosjes së Osama Bin Laden, e sekuestruar në vilën e tij në Abotabad, nxjerrin në pah edhe anën njerëzore të terroristit më të urryer në botë.

Në kompjuterin e sekuestruar nga forcat speciale amerikane, shumica e materialeve i përkisnin operacioneve terroriste të ish-liderit të Al-Kaeda-s. Një ndër më interesantet ishte kjo skicë, e cila i ngjan sulmeve të 11 Shtatorit 2001.

Por disa prej materialeve shfaqin një tjetër Bin Laden. Asokohe njeriu më i kërkuar në botë, mbante në kompjuterin e tij programe për fëmijë, filma të animuar si Tommy dhe Jerry, apo udhëzime për thurje me grep.

Një nga videot më të preferuara të Bin Laden ishte, “Charlie bit my finger” “Charlie më kafshoi në gisht”, video virale e dy vëllezërve të vegjël, e cila në Youtube ka arritur më shumë se 800 milionë klikime, përcjell Alsat.

Sipas inteligjencës amerikane, Osama Bin Laden ishte një adhurues i video-lojërave, kryesisht atyre me karakter luftarak, si Counter-Strike.

Në dosjen e zbuluar nga CIA, zbulohen edhe video të fëmijëve të vegjël të terroristit, si edhe dasma e djalit të tij të madh, Hamza.

Komentet

Shto koment

Të ngjashme