Në kulturën popullore, vende të caktuara lidhen stereotipikisht me produkte të caktuara – birrë në Gjermani, qilima në Turqi, elektronikë në Japoni. Por ato gjëra, nuk janë ato që njerëzit kërkojnë vërtet, shkruan Monitor.
Faqja e vlerësimit të kostos Fixr.com krijoi një hartë të botës me objektin më të kërkuar në Google për secilin vend, duke përdorur formulën e vetë-plotësimit të “Sa kushton *?”
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoSipas hartës, shqiptarët kërkojnë për institucione edukimi dhe shkollimi. Ndërsa të tjera gjetje interesante, ishin në shtete si Rusia kërkojnë “si të fluturosh një mig”, apo Korea e Jugut: “sa kushton një operacion hunde”, në Australi “sa kushton një fertilizim in vitro”.
Në Afrikë, shumica e njerëzve kërkojnë produkte për nevojat jetike… kafshë, ushqime, karburant. Brazilianët duan të dinë se sa kushton një … prostitutë. Thuajse në të gjitha vendet e Afrikës, njerëzit shqetësohen për nevojat jetësore, duke përjashtuar Mauritaninë dhe Sierra Leonen.
Në Sierra Leone, produktet më të kërkuara janë diamantet, ndërsa në Mauritani, skllevërit. Në studimin e një viti më parë, pyetja më e kërkuar që bënin shqiptarët ishte “sa kushton një operacion hunde”.
Rezultatet e Autocompletimit të Google ndryshojnë në bazë të historisë së kërkuesit, kohës së kërkimit dhe vendit të kërkimit –por këto të dhëna arrijnë që të tregojnë disi, për mënyrën se si perceptohen vendet.