“Mish derri në Indonezi”, Putin nuk mban dot të qeshurën

“Mish derri në Indonezi”, Putin nuk mban dot të qeshurën

17 tetor 2017 19:54

Presidenti rus Vladimir Putin nuk ka mundur të mbajë të qeshurën, kur ministri i tij i Bujqësisë, Aleksander Nikolayevich Tkachov foli për eksportin e mishit të derrit në Indonezi, një vend ky me shumicë myslimane.

Gjatë mbledhjes së qeverisë më 13 tetor, që në qendër kishte zhvillimet e agrikulturës, Tkachov propozoi rritjen e eksporteve të mishit të derrit në Azi, transmeton tch.

“Gjermania ka dërguar gjysmën e mishit të saj të derrit në eksport. Po të shikojmë shifrat e tyre, 5.5 milionë tonë mish derri sigurohet në një vit, e prej kësaj sasie, 3 milionë eksportohen në vende si Kina, Indonezia, Japonia, Koreja, etj.”, tha Tkachov.

Por atij, Putin iu përgjigj: Indonezia është një vend mysliman. Nuk hanë mish derri atje.

“Shumë mirë, - tha Tkachov, para se të shtonte se “kjo nuk ndryshon gjë”.

Pas kësaj, Putin ka vijuar të qeshë dhe mbuloi fytyrën me duar.

Komentet

Shto koment

Të ngjashme