PDK akoma ka në program pavarësinë e Kosovës

PDK akoma ka në program pavarësinë e Kosovës

04 tetor 2017 23:00

Edhe pse kanë kaluar më shumë se nëntë vjet që nga shpallja e pavarësisë së Kosovës, Partia Demokratike e Kosovës akoma e ka të përfshirë atë në programin partiak.

PDK, e cila ka ridizajnuar uebfaqen e vet para zgjedhjeve lokale të 22 tetorit, duket se ka harruar të përditësojë edhe faqen për programin partiak.

Kjo është vënë re nga Albert Krasniqi i Institutit Demokratik të Kosovës që ka thënë se “përpos që s’e kuptoj përse shpallja e pavarësisë mbetet pikë e veçantë në programin e PDK-së, nuk arrij të kuptoj as ndërlidhjen e simbolit të dollarit me pavarësinë e Kosovës”.

Në pikën e veçantë për pavarësinë e Kosovës thuhet:

PAVARËSIA E KOSOVËS – KUSHT I DOMOSDOSHËM PËR STABILITET NË RAJON

- Për PDK-në, pavarësia e Kosovës mbetet kusht i domosdoshëm për paqen, stabilitetin në Kosovë e rajon. Pavarësia e Kosovës është zgjidhje reale dhe nuk rrezikon askënd.

- PDK i ve vetes për qellim realizimin e aspiratave të shoqërisë civile në Kosovë për pavarësinë e vendit përmes proceseve demokratike.

- PDK periudhën e bashkëqeverisjes me UNMIK-un, OSBE –në e konsideron kalimtare, gjatë së cilës periudhe procesi i pavarësisë është kristalizuar dhe realizuar në pajtim me vullnetin e qytetarëve të Kosovës.

© KOHA. Të gjitha të drejtat janë të rezervuara.

Komentet

Dardan05/10/2017 16:14

"Mos e vet se t'kallzon vet" thote nje fjale popullore. Qe sa jane te interesum keta me punu per shtet. Po i bjen qe kete program e kane shkru para me shume se 10 viteve. Ne anen tjeter, ne secilen fushate qe dalin premtojne ckado qe iu bjen ne mend. Ky vertete eshte ofendim i skajshem ndaj popullit!

Shto koment

Të ngjashme