Kuriozitet

Binjaket që nuk përngjajnë aspak me njëra tjetrën

Donna Aylmer, është gjysmë e zezë e gjysmë e bardhë, e martuar me një burrë të bardhë.

Çifti nga Gloucester i Anglisë, u gëzua tej mase kur morën lajmin se do të bëheshin prindër, aq më shumë me dy binjake, shkruan Little Things, transmeton Koha.net.

Por kur ato erdhën në jetë, prindërit u habitën me pamjen e tyre, edhe pse binjake ato nuk përngjajnë aspak.

Njërën prej tyre e quajtën Lucy, ajo ka flokë të kuqe, sy të kaltër, lëkura e saj është e bardhë dhe kur lindi ishte shumë e zbehtë.

Binjakja tjetër quhet Maria, e cila lindi krejtësisht ndryshe prej saj, me sy ngjyrë kafe, flokë kaçurrele dhe të zeza.

Kur ato u rritën, tani si adoleshente 18 vjeçe, në shikim të parë nuk duken as të jenë motra, aq më pak binjake.

Raportet e tyre janë shumë të afërta, nuk bëjnë pa njëra tjetrën, por shpeshherë janë ngacmuar nga shoqëria e tyre.

Gjithçka që ato duan, është që njerëzit t’i pranojnë ashtu siç janë, madje thonë se do e përkrahin njëra tjetrën në çdo sferë të jetës.