Artpolis sonte organizon lexim skenik të “Monologjeve të Vaginës”

Artpolis sonte organizon lexim skenik të “Monologjeve të Vaginës”

06 mars 2018 11:51

Për nder të 20 vjetorit të botimit të librit “Monologjet e Vaginës” së autores Eve Ensler, Qendra për Art dhe Komunitet- Artpolis i ka dedikuar aktivizmit feminist përkthimin e këtij libri në gjuhën shqipe, si shenjë revolte kundër dhunës ndaj grave.

Ky aktivitet artistik do të mbahet me sot datë 6 mars 2018 (ditë e marte), në hapësirën e Teatrit Oda duke filluar nga ora 20:00.

Duke e shënuar Ditën Ndërkombëtare të Gruas dhe 20 vjetorin e veprës teatrale politike dhe sociale prej më të rëndësishmeve për të drejtat e grave “Monologjet e Vaginës” nën regjinë e Zana Hoxha Krasniqit

Viti 2018-të shënon 20 vjetorin e Lëvizjes “Dita – V”, lëvizje kjo që qysh nga fillimi ka zgjeruar përdorimin e artit dhe aktivizmit së bashku për ndërgjegjësimin e popullatës. “Dita – V” është lëvizje globale aktiviste kundër dhunës ndaj grave dhe abuzimit seksual. Misioni i kësaj lëvizje është “një botë ku gratë jetojnë të sigurta dhe të lira”.

Performueset e monologjeve do të jenë artistet dhe aktivistet e shquara nga Kosova:

Anisa Ismajli

Aurita Agushi

May-Linda Kosumovic

Vjosa Abazi

Qendresa Kajtazi

Daniela Markaj

Donjeta Morina

Adelina Tërshani

Jeta Berisha

Jovana Radosavljevic

Alketa Sylja

Kjo mbrëmje artistike do të jetë dëshmi e diversitetit dhe bashkimit të grave përtej dallimeve dhe kufijve sistematik që ka krijuar mendësia patriarkale.

I njëjti aktivitet do të shënohet edhe në komunën e Gjakovës me date 8 Mars, në hapësirën e kafe-barit Del House – Te Beka duke filluar nga ora 20:00.

Kjo ngjarje përkrahet nga United Nations Population Fund – UNFPA/Kosovë, Koalicioni për të Drejtat dhe Shëndetin Seksual, Riprodhues – K1 0 dhe CFD/Zvicërr dhe ECMI.

Image

© KOHA. Të gjitha të drejtat janë të rezervuara.

Komentet

Shto koment

Të ngjashme