“Kosova” është shkruar me të zeza mbi hartën e shtetit, të vendosur në panon që bie në sy tek shtandi i vendosur në hapësirat e “Porte de Versailles”, shkruan sot Koha Ditore.
Shoqata e Botuesve e Kosovës u është bashkuar botuesve ndërkombëtarë në Panairin e Librit në Paris, që zyrtarisht hapet sot (e premte) dhe që këtë vit mban edicionin e 37-të të tij. Në pano shihen imazhe e biografi të shkurtra të Pjetër Bogdanit, Gjon Buzukut, Anton Pashkut, Pal Engjëllit, Musine Kokollarit e Ibrahim Rugovës. I themeluar më 1981, fillimisht si “Salon du Livre de Paris”, që më 2016 u bë “Livre Paris”, është panair i librave që bën bashkë botuesit, autorët francezë e ndërkombëtarë dhe rreth 150 mijë lexues të librit për çdo vit. Edicioni i sivjetmë zgjat deri më 27 mars. Është hera e dytë që botimet nga Kosova prezantohen në këtë ngjarje të rëndësishme të industrisë së librit që mbahet në kryeqytetin francez.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo(Tekstin e plotë lexojeni sot në Koha Ditore)
{gallery}
Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.