Pritjes së madhe të Rita Orës i erdhi fundi. Këngëtarja kosovare me famë botërore arriti në Prishtinë rreth orës 13, por nuk deshi të dalë para mediave dhe të pranishmëve.
Por, gazetarët e grupit insistuan që të kapej Rita Ora në disa sekonda, e për këtë u desh që të vrapohej drejt veturës së saj, raporton KTV.
Më pas, ajo vazhdoi rrugën për në qendër të kryeqytetit, e cila gjatë gjithë rrugës u përkujdes që të bënte të ditur për ndjekësit e saj në rrjete sociale ardhjen e saj në Prishtinë dhe emocionin e parë në vendlindje.
Konferenca ishte ajo që e afroi Ritën para të pranishmëve pak orë para koncertit, e cila tregoi kënaqësinë e të qenit në mesin tonë.
E pyetur nga Kohavision, Rita tregoi edhe se a ka vërejtur ndryshime në momentet e para në Kosovë nga hera e saj e fundit në kryeqytet.
Rita pritet sonte që rreth orës 22:00 të dalë në sheshin Nënë Tereza për të mbajtur koncertin e saj të parë.
Ajo premtoi një natë të paharrueshme.
-
17 shkurt 2018 19:10
-
Shpërndaje në: