BKK për 10-vjetorin e Pavarësisë, me “Kosova – nga historia në shtetësi”

BKK për 10-vjetorin e Pavarësisë, me “Kosova – nga historia në shtetësi”

15 shkurt 2018 15:31

Biblioteka Kombëtare e Kosovës “Pjetër Bogdani” me rastin e përvjetorit të 10-të të Pavarësisë së Republikës së Kosovës organizon “Kosova – nga historia në shtetësi”, shkruan KultPlus.

Në kuadër të këtij organizmi do të shfaqen tituj të zgjedhur të koleksionit të Bibliotekës Kombëtare të Kosovës, “Libri për historinë e Kosovës 1912 – 2018”. Për të vazhduar me lajme dhe ngjarje të prezantuara në gazetat e Kosovës, “Kosova e 10-të Vjet Pavarësi”.

Gjithashtu do të jetë një ekspozitë e artikujve të gazetave të koleksionit të Bibliotekës Kombëtare të Shqipërisë nën sloganin “Eksodi 1999”.

Pjesë e këtij aktivitet do të jetë edhe ekspozita “Shkruajmë e vizatojmë për Pavarësinë e Kosovës” e nxënësve të Shkollës Fillore të Mesme të Ulët “Pavarësia”. Ndërsa do të bëhet edhe ndarja e shpërblimeve për fituesit e Konkursit për Esenë për 10-Vjetorin e Shpalljes së Pavarësisë së Kosovës.

Ceremonia e hapjes do të mbahet në Hollin e Bibliotekës, më 17 shkurt në orën 16:00.

Komentet

Shto koment

Të ngjashme