QKK me delegacion në Trieste të Italisë

QKK me delegacion në Trieste të Italisë

19 janar 2018 11:32

Qendra Kinematografike e Kosovës përmes një komunikate për media ka bërë të ditur se një delegacion nga Kosova do të jetë pjesë e Forumit When East Meets West, që do të mbahet në Trieste të Italisë nga data 21-23 janar, transmeton Koha.net.

Qendra Kinematografike e Kosovës vitin që lamë pas ka arritur marrëveshje me When East Meets West, i cili është forum i bashkëprodhimit me fokus vjetor në Evropën Lindore dhe Perëndimore.

Ky forum ndihmon producentët të identifikojnë fonde të ndryshme dhe fonde alternative, si dhe ndihmon në mundësitë e distribuimit në rajonet që kanë më shumë vëmendje. Gjithashtu, lehtëson në procesin e bërjes së politikave mes territoreve në fokus, në mënyrë që të nxiten bashkëprodhime të reja ndërmjet industrive që ende nuk janë të lidhura mirë.

Edicioni i vitit 2018 nis me datë 21 deri 23 janar në Trieste të Italisë, ndërsa pjesë e delegacionit të Kosovës, që merr pjesë në të udhëhiqet nga drejtori i QKK-së, Arben Zharku, janë filmbërësit me projektet e tyre filmike, si: Bujar Kabashi me projektin ‘Aga’, Ujkan Hysaj me ‘Hana’, Blerim Gjoci me ‘Kodra e Diellit’, Besnik Krapi me ‘Fusha e Mëllenjave’ dhe Fatmir Spahiu me projektin ‘Njeri i Dosjeve’.

Gjatë këtij forumi tre ditor, drejtori i QKK-së, Arben Zharku, do të jetë pjesë e paneleve të ndryshme të diskutimit.

Komentet

Shto koment

Të ngjashme