Rrënimi i 9 monumenteve për një vit, alarm për trashëgiminë kulturore Foto: Koha

Rrënimi i 9 monumenteve për një vit, alarm për trashëgiminë kulturore

03 janar 2018 10:28

Prej dhjetorit të vitit 2016 e deri në fund të vitit të kaluar, Kosova ka humbur 9 monumente të trashëgimisë kulturore, shkruan sot “Koha Ditore”.

Janë rrafshuar në tërësi e në dy prej tyre këtë e ka bërë një institucion shtetëror. Pos kësaj, 11 asete i janë shtuar listës “Trashëgimia në rrezik” ndërsa vetëm 7 asete janë shpëtuar dhe rrjedhimisht janë hequr nga kjo listë. Ky është rezultati që ka dalë nga hulumtimi në terren i degës në Kosovë të organizatës suedeze, “Trashëgimia Kulturore pa Kufij” (CHwB).

Në mesin e aseteve të rrënuara është edhe Kulla e Demë Ahmetit dhe shtëpia e banimit pronë e Sabit Hamitit në Raçicë të Podujevës, për të cilët siç ka raportuar “Koha Ditore” në nëntor, u rrënuan nga Agjencia për Menaxhimin e Komplekseve Memoriale në Kosovë, me qëllim të ndërtimit të memorialit “Demë Ahmeti”.

Të tjera asete të rrënuara janë “Shtëpi e banimi - Florim Zeneli, Kumrije Rama” në Mitrovicë, që siç ka raportuar gazeta u rrënua në mars me leje të Komunës... (më gjerësisht lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.

Komentet

Shto koment

Të ngjashme