Nis rindërtimi i Teqesë së Madhe në Prizren

Nis rindërtimi i Teqesë së Madhe në Prizren

09 dhjetor 2017 16:52

Kanë nisur punimet në rindërtimin e Teqesë së Madhe në Prizren, ku u tha se pas 70 viteve edhe në Prizren do të ketë mundësi të kryhen ritet fetare.

Po ashtu, u tha se rindërtimi i teqesë së Marashit-Hiesar, do të ketë një pamje arkitektonike dhe do të kushtojë rreth 300 mijë euro.

Historiani Parim Kosova tha se kjo teqe ka rëndësi të shumëfishtë historike kulturore dhe fetare.

“Tani me ndihmën e institucioneve të Kosovës, Ministrisë së Kulturës, Qendrës Rajonale të Trashëgimisë Kulturore u vendos edhe gurthemeli dhe nga sot fillon rindërtimi i kësaj teqeje ballkanike “, ka thënë ai, shkruan KP.

Shehi i teqesë se madhe të Prizrenit, Gufran Shejhi, tha se rindërtimi i Teqesë së Marashit për neve do të thotë shumë, së pari nga ana shpirtërore, sepse krejt besimi lidhet me çështje shpirtërore që është thelbësore por pas asaj mundësohet edhe ana ku mund të kryejmë ritet fetare

Ai shpreson se ky objekt do të jetë si vazhdimësi e të parëve të tyre që janë 400 vjet e këndej.

Sipas tij, në mungesë të objektit të teqesë, ritet fetare kanë mbet vetëm ritet që mbahen te tyrbja, që dallojnë nga ato të teqesë.

Komentet

Shto koment

Të ngjashme