“Një muaj” nga Kosova, premierë botërore në Kajro

“Një muaj” nga Kosova, premierë botërore në Kajro

31 tetor 2017 12:02

Filmi nga Kosova, që rrëfimin e bazon në ngjarje të vërtetë, i realizuar nën regji të Zgjim Terziqit do të jepet premierë botërore dhe do të konkurrojë për çmimet e festivalit të kategorisë “A”.

I bashkëfinancuar nga Qendra Kinematografike e Kosovës, filmi i shkurtër i titulluar “Një muaj” do të bëhet pjesë e garës në edicionin e 39-të të Festivalit Ndërkombëtar të Filmit në Kajro, shkruan sot “Koha Ditore”.

Në këtë festival, filmi i regjisorit kosovar garon në konkurrencë zyrtare të filmave të shkurtër – “International Cinema of Tomorrow Competition” për çmimin filmi më i mirë i shkurtër dhe çmimin special të jurisë.

Regjisori Zgjim Terziqi, ka thënë se qysh kur ka filluar realizimin e “Një muaj”, ka pasur plane të mëdha për këtë projekt.

“Ambiciet i kemi pasur shumë të mëdha prej fillimit. Jo veç sepse kemi besuar shumë në rrëfim, por edhe për faktin se nuk kemi kursyer asgjë për ta përmbushur potencialin e filmit”, ka thënë Terziqi.

Rrëfimi i filmit shtjellohet rreth personazhit të quajtur Ana, një 40-vjeçare e verbër, e pamartuar, e cila jeton sipas marrëveshjes së katër motrave të saj. Pakti i tyre përmban përkujdesjen ndaj saj nga secila motër nga një muaj.

Në filmin “Një Muaj” luajnë aktorët Makfire Miftari, Luan Jaha, May-Linda Kosumoviq, Shengyl Ismajli, Irena Cahani, Fatmir Spahiu, Rinesa Qeriqi, Era Balaj, Dardane Mehmeti, Zog Zeqiri Berisha, Blerina Krasniqi, Nata Zeqiri Berisha e Lis Spahiu... (më gjerësisht lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.

Komentet

Shto koment

Të ngjashme