Aktorët e TKK-së me fushatë për grevë në rrjete sociale – #veçpojukqyrim #ngrevë #meaktoret #5

Aktorët e TKK-së me fushatë për grevë në rrjete sociale – #veçpojukqyrim #ngrevë #meaktoret #5

23 tetor 2017 14:01

Kanë mbetur vetëm edhe pesë ditë nga koha kur mund të pezullohet krejt repertori i Teatrit Kombëtar të Kosovës, pasi që aktorët rezidentë të këtij institucioni kulturor kanë kërkuar nivelizim të pagave me ato të profesorëve të Universitetit, shkruan KultPlus.

Sot ka nisë kampanja e grevës nëpërmjet rrjeteve sociale, me sloganin #veçpojukqyrim #ngrevë #meaktoret #5, dhe aktorët rezidentë kanë bërë të ditur se kjo kampanjë do të vazhdojë deri të premten, në mënyrë që t’i kujtojnë MKRS-së, se ditët drejt grevës po ofrohen.

“Ne po e quajmë fushatë, ku çdo dite do ta paralajmërojmë ministrin se dita drejt grevës së përgjithshme po ofron. Kjo kampanjë do të vazhdon deri të premten, e të premten do të dalim me një konferencë”, ka thënë Gresa Pallska për KultPlus.

Kurse Albulena Kryeziu Bokshi përpos që ka konfirmuar për këto zhvillime në TKK, ajo ka thënë se me këtë kampanjë po rrisin presionin drejt plotësimit të kërkesave të tyre, dhe, sipas saj, vetëm të premten do të kuptohet vendimi definitive i trupës rezidente të TKK-së. Ndërkohë, pjesë e kësaj kampanje është e gjithë trupa e TKK-së.

Komentet

Shto koment

Të ngjashme