Kulturë

Peja monumentale e Haxhi Zekës

Sikur Peja të merrte emër njeriu, pa asnjë diskutim do të quhej Haxhi Zeka. Personaliteti i tij fuqishëm vazhdon namin edhe më shumë se 11 dekada pas vdekjes, shkruan sot Koha Ditore.

Në qendrën e Dukagjinit shumëçka lidhet me këtë emër. Madje shembulli i tij projektohet edhe në këngë, sikur ajo te vargu: “Kurrë moj Pejë mos thuj vdeka, ke shumë djem si Haxhi Zeka”.

Shumë studiues të historisë u morën me jetën dhe veprën e rilindësit e atdhetarit Haxhi Zeka. U përshkrua nga kënde të ndryshme, por shkencës i mbesin ende shumë pyetje për t’u përgjigjur për krejt çka ndodhi rreth tij në gjysmën e dytë të shekullit XIX dhe në dy vjetët e parë të shekullit XX.

Pos namit ai la edhe shumë objekte që 115 vjet pas vdekjes së tij, tashmë si monumente të trashëgimisë kulturore, lidhen me të në një mënyrë apo tjetër. (Më gjerësisht mund të lexoni sot në E diela me Kohën Ditore).

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.