Tiranë, homazhe për Robert Elsie

Tiranë, homazhe për Robert Elsie

17 tetor 2017 22:15

Në Tiranë u zhvilluan sot homazhet për albanologun e njohur kanadez Robert Elsie, I cili ndërroi jetë më 2 tetor

Në përmbushje të dëshirës dhe amanetit të tij, trupi u soll sot në Shqipëri ndërsa nesër do të organizohet ceremonia e varrimit në Theth.

Për të nderuar kujtimin dhe veprën e albanologut, në homazhet e sotme morën pjesë autoritetet më të lartë të vendit.

Pasi mësoi gjuhën shqipe dhe i thelloi njohuritë e tij në këtë gjuhë, Robert Elsie vendosi t’i kushtohej albanologjisë. Ai ishte autor i më shumë se gjashtëdhjetë librave si dhe të artikujve të shumtë, kryesisht në fushën e albanologjisë.

Robert Elsie ka marrë pjesë në Seminarin Ndërkombëtar për Gjuhën, Letërsinë dhe Kulturën Shqiptare në Kosovë për vite me radhë. Ai ishte anëtar i jashtëm i Akademisë së Shkencave dhe të Arteve të Kosovës, si dhe anëtar nderi i Shoqatës së Shkrimtarëve të Kosovës.

Komentet

Shto koment

Të ngjashme