Kulturë

Vdiq poeti Xhevdet Bajraj

Poeti Xhevdet Bajraj ka vdekur të mërkurën në moshën 62-vjeçare, ka bërë të ditur vëllai i tij, Fadili, në një postim në Facebook.

Bajraj që nga lufta në Kosovë u vendos në Meksikë, ku edhe vdiq.

Sipas familjarëve, në dy muajt e fundit ai vuante nga një sëmundje.

Gjatë karrierës si tij, ka marrë disa çmime letrare. Poezia e tij është përkthyer në disa gjuhë, dhe është përfshirë nëpër disa antologji të ndryshme në gjuhën shqipe, spanjollë, serbe dhe angleze.

Në Meksikë arriti me bursën e Parlamentit Ndërkombëtar të Shkimtarëve. Është bashkëprotagonist në filmin e “Aro Tolbukhin – Në mendjen e vrasësit (Aro Tolbukhin – En la mente del asesino) të regjisorit spanjoll, Agustin Villaronga. Filmi ka qenë fitues i disa çmimeve ndërkombetare.

Po ashtu ka një regjistrim në CD të poezive të tij, me rock-grupin “Heshtjet e pakëndeshme” (Silencios incomodos).

Që nga viti 2002 punoi si profesor në Akademinë e Krijimtarisë Letrare në Universidad Autonoma de la Ciudad de Mexico, ku ligjëroi lëndën e poezisë. Bomtimet KOHA prej veprave të tij ka botuar: “Copa ime e qiellit” dhe “Lëngu i trëndafilit”.

Në mesin e veprave e tij janë edhe "Kafe me nënën", "Ca kokrra rrushi Rahoveci”, “Kur qajnë hardhitë” e të tjera.