Mulaku i Vushtrrisë: Komuna nuk ka qenë e njoftuar se Kalaja do të jepet në shfrytëzim Foto: Koha

Mulaku i Vushtrrisë: Komuna nuk ka qenë e njoftuar se Kalaja do të jepet në shfrytëzim

17 korrik 2017 12:17

Komuna e Vushtrrisë thotë se nuk ka qenë asnjëherë e njoftuar se Kalaja e këtij qytetit do të jepet në shfrytëzim transmeton Koha.net.

Kryetari i kësaj komune, Bajram Mulaku, nëpërmjet një komunikate ka reaguar duke thënë se Komuna nuk është pronare e Kalasë dhe se gjatë takimeve të mëparshme me drejtorin e IKMM-së, Agim Gërguri për mirëmbajtjen e Kalasë, asnjëherë temë nuk ka qenë dhënia në shfrytëzim e saj.

Ai ndër të tjera ka përmendur faktin se kalaja i është dhënë kompanisë e cila menaxhohet nga djali i dajës së tij, Mentor Salihu.

Lexoni edhe: 

Daja i kryetarit Mulaku kthen Kalanë e Vushtrrisë në restorant [video]

“Jam i përgjegjshëm, se fakti që IKMM-ja ia paska dhënë në shfrytëzim Mentor Salihut, djalit të dajës tim, kalanë e qytetit, te shumë qytetarë krijon paragjykime se unë në këtë rast si kryetar komune kam qenë i involvuar. Jam i përgjegjshëm se tani janë zgjedhjet lokale afër dhe se shumë pretendentë për kandidat për kryetar komune të subjekteve të ndryshme e shfrytëzojnë nëpërmes “fansave” të tyre këtë rast, me qëllim të njollosjes së personalitetit tim, për përfitime të tyre. Por të gjithë qytetarëve të komunës iu them edhe njëherë se për këtë çështje e kam ndërgjegjen e pastër”, është shprehur Mulaku.

Ai ka njoftuar se nuk do të jetë kandidat për kryetar komune në zgjedhjet lokale të 22 tetorit, duke theksuar se për këtë nuk ka ndikuar ky rast.

© KOHA. Të gjitha të drejtat janë të rezervuara.

Komentet

Shto koment

Të ngjashme