Me një rrugëtim të veçantë muzikor, në një hapësirë të re në kryeqytet, Agona Shporta dhe Ilir Bajri, paralajmëruan edicionin e ri të festivalit “DAM”. Dyshja, të premten mbrëma mbajti koncert në kuadër të “PRE DAM Fest 2019” në bashkëpunim me hapësirën e re kulturore “Menza Ramiz Sadiku”.
Muzika e Agonës solli kombinim të pasur dhe shumëllojshmëri të tingujve e kulturave, mes Ballkanit dhe Lindjes së Mesme, Indisë e jazz standardeve amerikane, raporton “Express” i KTV-së. Performanca e saj që përfshiu edhe këngë të folklorit shqip, gërshetuar me ritme të muzikës jazz, i hapi udhë edicionit të 14-të të festivalit “DAM”.
Energjia pozitive e publikut i dha shumë kurajë Agonës gjatë performancës. Ajo thotë se kjo mbrëmje ishte shumë e veçantë.
Pianisti Ilir Bajri, i cili e shoqëroi Agona Shportën gjatë gjithë mbrëmjes, konsideron se edicioni i ri u “DAM Festivalit”, është ndër më të veçantit deri më tani.
Edicioni i katërmbëdhjetë i festivalit “DAM”, do të mbahet nga data 26 deri më 31 mars.
-
4 mars 2019 20:30
-
Shpërndaje në: