Njësia policore në Mitrovicë ka identifikuar rreth 3000 litra të vajit hidraulik të dyshuara si të kontrabanduara, njofton kumtesa nga .
Rasti është raportuar në orët e natës së datës 29 mars 2017, në rrugën e ’’UÇK-së” në Mitrovicë, derisa Policia ndaloi për kontroll automjetin transportues, të llojit Peugeot, kombi me targa vendore.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoAutomjeti transportues i dyshuar për kontrabandë me mallra, është identifikuar dhe lokalizuar, pasi zyrtarët policorë kishin ngritur dyshime për lëvizjen e tij në atë segment rrugor, transmeton Koha.net.
Zyrtarët policorë gjatë kontrollit fillestar kanë vërejtur se automjeti transportues, ishte i mbushur me mallra, përkatësisht rreth 3000 litra të vajit hidraulik.
Pas kontrollit të dokumentacionit të paraqitur nga ana e ngasësit të automjetit, Polica ka identifikuar se targat e veturës nuk përputheshin me librezën e veturës, po ashtu është identifikuar se vetura në fjalë u ishte shmangur procedurave doganore.
Automjeti transportues dhe sasia e vajit të dyshuar është sekuestruar nga autoritetet doganore, ndërsa Policia ngasësit i ka shqiptuar gjobë për mosposedim të regjistrimit dhe për keqpërdorim të targave.