Urdhërohet ekzaminimi psikiatrik për personin që shqetësoi prindërit në Gjilan

Urdhërohet ekzaminimi psikiatrik për personin që shqetësoi prindërit në Gjilan

07 mars 2018 15:58

Gjykata Themelore në Gjilan ka caktuar masën e ekzaminimit psikiatrik në Institutin e PsikiatrisëForenzike të Kosovës për të pandehurin P. C.,në kohëzgjatje prej 15 (pesëmbëdhjetë)ditëve.

Gjykata pasi ka shqyrtuar të gjitha shkresat e lëndës dhe ka dëgjuar pretendimet e prokurorit dhe ekspertit psikiatër ka konstatuar se i pandehuri P. C., ka manifestuar probleme psikologjike, duke ngacmuar dhe ushtruar dhunë ndaj familjarëve të tij.

Me këtë i pandehuri P. C. dyshohet se ka kryer veprën penale: ngacmimi.

Palët kanë të drejtën e ankesës ndaj këtij vendimi në Gjykatën e Apelit.

Një person është arrestuar në Gjilan pasi kishte ngacmuar në vazhdimësi prindërit e tij, madje edhe duke i larguar nga shtëpia.

Sipas njoftimit të policisë të dërguar të martën, i dyshuari ka marrë edhe tretman mjekësor në Repartin e Psikiatrisë në spitalin rajonal të Gjilanit.

Me vendim të prokurorit i dyshuari është dërguar në mbajtje.

© KOHA. Të gjitha të drejtat janë të rezervuara.

Komentet

Shto koment

Të ngjashme