Një muaj paraburgim për shitblerje të drogës

Një muaj paraburgim për shitblerje të drogës

20 shkurt 2018 14:34

Gjykata Themelore në Prishtinë ka aprovuar kërkesën e Prokurorisë Themelore në Prishtinë për caktimin e masës së paraburgimit ndaj Z.K. për dyshimin për blerje, posedim, shpërndarje dhe shitje të paautorizuar të drogës.

Atij i është caktuar masa e paraburgimit në kohëzgjatje prej një muaji, deri më 16 mars 2018.

“Gjykata ka konstatuar se kërkesa për caktimin e masës së paraburgimit ndaj të pandehurit Z.K është masë adekuate dhe e domosdoshme në këtë fazë të procedurës, për sigurimin e pranisë së të pandehurit në procedurën penale dhe zhvillimin e pa penguar të procedurës”, thuhet në njoftim.

Z.K. ishte arrestuar më 19 nëntor të vitit të shkuar në rrugën “B” në Prishtinë. Pasi ishte ndaluar nga policia, atij i ishin gjetur dy paketime të vogla kokainë të gatshme për shitje. Pas bastisjes së banesës së tij në Prishtinë, janë gjetur tetë paketime me kokainë, ndërsa në orenditë e kuzhinës i janë gjetur edhe 19.7 gramë substancë.

© KOHA. Të gjitha të drejtat janë të rezervuara.

Komentet

Shto koment

Të ngjashme