Policia jep detaje për tragjedinë në Vlorë

Policia jep detaje për tragjedinë në Vlorë

21 janar 2018 09:05

09:23 - Policia e Vlorës ka dhënë detaje të reja në lidhje me tragjedinë e ndodhur në Vlorë, ku si shkak i një zjarri kanë humbur jetën dy persona, nënë e bir.

Selkie dhe Novruz Hoxhallari kanë ndërruar jetë si pasojë e flakëve, ndërsa policia thotë se zjarri ka rënë në mënyrë aksidentale.

Njoftimi paraprak i policisë për ngjarjen:

Rreth orës 04:20, në lagjen “1 Maji”, në një banesë ka rënë zjarr e për pasojë janë djegur dhe kanë ndërruar jetë dy shtetas.

Nga veprimet e para të kryera nga grupi hetimor dyshohet se zjarri në banesë mund të jetë shkaktuar aksidentalisht , ku për pasojë janë djegur e kanë ndërruar jetë nënë e bir, shtetasit S. H., rreth 73 vjeçe dhe N. H., rreth 43 vjeç.

Trupat e pajetë janë transportuar në morgun e Spitalit Rajonal Vlorë.

Grupi hetimor po vijon punën për zbardhjen e plotë të rrethanave të ngjarjes.


Digjet një shtëpi në Vlorë, shkrumbohen nënë e bir

Nënë e bir kanë humbur jetën pasi shtëpia e tyre në Vlorë, pranë Pyllit të Sodës, është djegur.

Viktimat janë 70-vjeçarja Selkie Hoxhallari dhe 45-vjeçari Olsi Hoxhallari. Të dy trupat janë shkrumbuar totalisht, raporton Tch.

Flakët në shtëpi mendohet të kenë rënë si pasojë e një cigareje të ndezur.

Komentet

Shto koment

Të ngjashme