13 vjet burgim kosovarit për rolin e shefit në grupin e tregtisë me heroinë në Zvicër

13 vjet burgim kosovarit për rolin e shefit në grupin e tregtisë me heroinë në Zvicër

14 dhjetor 2017 23:16

Një shqiptar i ri me prejardhje nga Kosova është përgjigjur para gjykatës në Olten-Gösgen, i akuzuar për shkelje të ligjit mbi narkotikët, falsifikim dokumentesh, bartje armësh pa leje. Ai është dënuar me 13 vjet burg.

Prokurori kishte kërkuar dënim me 14 vjet burg ndërsa avokati i të gjykuarit, 5 vjet, shkruan solothurnerzeitung.ch, përcjell albinfo.ch.

Ai, identiteti i të cilit nuk bëhet i ditur, akuzohej konkretisht për shitje të 42 kilogramëve të përzierjes së heroinës. Por, duke qenë se gjykata nuk ishte e sigurt për sasinë e heroinës, kosovari u akuzua për shitjen e “vetëm” 33 kilogramëve të përzierjes së heroinës, transmeton albinfo.ch. Veç kësaj, atij gjykata i ngarkon pagesën e shpenzimeve të gjykimit që është një shumë prej 65000 frangash.

Ai është liruar nga akuza për pastrim parash, për të cilën akuzohej.

Kosovari kishte mbajtur rolin e shefit në grupin e tregtisë me heroinë e cila kishte si qendër lokalin e atëhershëm të tij, “Cafe Alexander” në Trimbach. Disa nga anëtarët e grupit tashmë janë dënuar.

Ndërkohë që kosovari e kundërshton vazhdimisht pozitën që i ngarkohet në grupin e drogës, ai ka pranuar falsifikimin e dokumenteve dhe mbajtjen e armëve. Ai ka poseduar dy revole dhe një kallashnikov. Veç kësaj ai kishte falsifikuar pasqyrën e të ardhurave të kompanisë së tij në mënyrë që përmes saj të mund ta blinte me leasing një BMW. Por ai gjithashtu e kundërshton me këmbëngulje akuzën për pastrim parash, një akuzë për të cilën edhe nuk ka pasur dëshmi të mjaftueshme.

Komentet

Shto koment

Të ngjashme