Arrestohet në Gjermani i dyshuari për sulmin ndaj drejtorit të Burgjeve të Kosovës

Arrestohet në Gjermani i dyshuari për sulmin ndaj drejtorit të Burgjeve të Kosovës

13 dhjetor 2017 19:29

Është arrestuar në Gjermani një person, i cili dyshohet se e ka sulmuar ushtruesin e detyrës së drejtorit të Burgjeve të Kosovës, Sokol Zogaj, në gusht të këtij viti.

Bajram Krasniqi, nga Zyra për Informim e Policisë së Kosovës, i ka thënë KTV-së se personi me inicialet B.A. është lokalizuar dhe arrestuar në Gjermani, nga departamenti i cili ka bashkëpunuar me Policinë e Kosovës në këtë drejtim.

Krasniqi ka thënë se Policia e Kosovës e kishte lëshuar urdhrin për kërkimin e këtij personi në Europol, ndërsa është lokalizuar në Gjermani. Krasniqi nuk ka dhënë më shumë detaje nëse i arrestuari është shtetas i Gjermanisë apo ka ikur atje pas sulmit ndaj Sokol Zogajt.

Ushtruesi i detyrës së drejtorit të përgjithshëm të Shërbimit Korrektues u sulmua para banesës në mëngjes kur po shkonte në punë.

© KOHA. Të gjitha të drejtat janë të rezervuara.

Komentet

Shto koment

Të ngjashme