Në Prishtinë, Pejë e Gjakovë raportohen raste të dhunës në familje Foto: Ilustrim

Në Prishtinë, Pejë e Gjakovë raportohen raste të dhunës në familje

03 dhjetor 2017 15:45

Në raportin 24 orësh të Policisë së Kosovës, është raportuar për tre raste të dhunës në familje në tre qytete të Kosovës.

I pari ka ndodhur në Prishtinë në orën 05:30. “Është arrestuar i dyshuari mashkull K/Shqiptar, pasi që i njëjti kishte sulmuar fizikisht bashkëshorten e tij. Viktima ka pësuar lëndime trupore dhe ka pranuar tretman mjekësor, ndërsa me urdhër të prokurorit i dyshuari është dërguar në mbajtje”, thotë Policia, raporton Koha.net.

Pastaj, rast tjetër i dhunës në familje është regjistruar edhe në Gjakovë në orën 22:00.

“Është arrestuar i dyshuari mashkull K/Egjiptas, pasi që i njëjti në gjendje të dehur ka ushtruar dhunë psikike dhe fizike ndaj bashkëshortes së tij. Me urdhër të prokurorit i dyshuari dërgohet në mbajtje”, raporton Policia.

Ndërsa rasti tjetër ka ndodhur në fshatin Vitomiricë të Pejës në orën 22:20.

“Është arrestuar i dyshuari mashkull K/Boshnjak, pasi që i njëjti në gjendje të dehur ka kërcënuar dhe ka sulmuar fizikisht familjarët e tij. Me urdhër të prokurorit i dyshuari dërgohet në mbajtje”, ka theksuar Policia në raportin 24 orësh.

© KOHA. Të gjitha të drejtat janë të rezervuara.

Komentet

Shto koment

Të ngjashme