Shpëton fëmijët nga zjarri që ia kaplon shtëpinë, lëndohet një burrë në Vërmicë

Shpëton fëmijët nga zjarri që ia kaplon shtëpinë, lëndohet një burrë në Vërmicë

15 nëntor 2017 12:48

Në orët e hershme të mëngjesit të sotëm një shtëpi në fshatin Vërmicë të Malishevës, është kapluar nga zjarri.

Përmes një komunikate për media bëhet e ditur se nga ky zjarr, një person është lënduar, ndërsa është djegur në tërësi kati i parë i shtëpisë, si dhe është tymosur kati i dytë, duke e bërë të pabanueshme shtëpinë. Intervenimi i zjarrfikësve dhe i banorëve të lagjes, ka qenë i shpejtë, duke e parandaluar përhapjen e zjarrin, transmeton Koha.net.

“Shtëpia e djegur është e Shaqir Gashit nga Vërmica, i cili është edhe personi që ka pësuar lëndime nga zjarri, pasi ishte futur brenda një dhome në flakë, për të shpëtuar fëmijët, të cilët ishin duke fjetur”, thuhet në komunikatë.

Këtë familje, sot gjatë paradites e ka vizituar nënkryetari i komunës së Malishevës, Rexhep Mazreku, i cili ka shprehur keqardhjen e tij, për dëmin e shkaktuar nga zjarri. Mazreku, po ashtu e ka takuar edhe pronarin e shtëpisë, Shaqir Gashin, i cili është lënduar, përkatësisht ka pësuar djegie në fytyrë, të cilit i ka dëshiruar shërim të shpejt.

Sipas pronarit dhe banorëve, intervenimi i njësive të zjarrfikësve dhe i Policisë së Kosovës, ka qenë i shpejt, edhe pse Vërmica është një vendbanim larg qendrës komunale. Të lënduarit, i është dhënë ndihma e parë dhe trajtimi mjekësorë në QKMF në Malishevë.

Image

© KOHA. Të gjitha të drejtat janë të rezervuara.

Komentet

Shto koment

Të ngjashme