Kronikë

Vdes një person si pasojë e vetaksidentit në Drenas

Një person ka humbur jetën të mërkurën rreth orës 07:30, në rrugën nacionale Prishtinë - Pejë, te Parku i Biznesit ne Drenas, si pasojë e një vetaksidenti.

Vdekjen e ka konstatuar ekipi mjekësor në vendin e ngjarjes.

Sipas zëdhënësit të policisë Daut Hoxha, në këtë rast tragjik është përfshirë vetëm një veturë, ndërsa rasti po hetohet nga njësitë relevante.

Policia u ka bërë thirrje të gjithë drejtuesve të automjeteve që të kenë kujdes më të shtuar gjatë drejtimit të automjeteve, sidomos tash me ndryshimin e kushteve atmosferike.