Ish-inspektori i Prishtinës thotë se nuk e ka ditur që në shtëpi ka pasur mijëra franga, dollarë e euro

Ish-inspektori i Prishtinës thotë se nuk e ka ditur që në shtëpi ka pasur mijëra franga, dollarë e euro

07 nëntor 2017 07:26

Afro 10 mijë franga zvicerane, 2.600 dollarë dhe 1.860 euro i janë gjetur në shtëpi ish-inspektorit të ndërtimit në Komunën e Prishtinës, Skënder Canolli, pas bastisjes nga policia në vitin 2014.

Mirëpo ish-inspektori ka thënë se nuk ka qenë në dijeni për ekzistimin e këtyre parave në shtëpi. Megjithatë, ai gjatë marrjes në pyetje, të hënën, para Gjykatës Themelore të Prishtinës, ka pohuar se paratë nuk kanë qenë të tij, por të babait.

Canolli dhe nëntë të akuzuarit e tjerë po përballen me drejtësinë për krim të organizuar, shkruan sot Koha Ditore.

Së bashku me ish-kryeshefin e Inspektoratit në Komunë të Prishtinës, Ismet Haliti, si dhe inspektorët e tjerë: Vehbi Abdullahu, Drita Rukiqi, Blerina Syla, Blerim Ibishi, Ardian Muhadri, Arbenita Ajeti, Mergim Shala dhe Granit Cenaj akuzohen nga Prokuroria për mosparandalimin e mosndërprerjen e ndërtimeve pa leje, si dhe për mosekzekutimin e vendimeve për rrënimin e objekteve që ndërtoheshin në mënyrë kundërligjore në Komunën e Prishtinës... (më gjerësisht lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.

Komentet

Shto koment

Të ngjashme