Kapen me 58 kg kanabis, arrestohen dy shqiptarë në Greqi

Kapen me 58 kg kanabis, arrestohen dy shqiptarë në Greqi

29 tetor 2017 15:37

Dy shtetas shqiptarë, 27 dhe 31 vjeç, janë arrestuar prej Antidrogës së Epirit në vendin e quajtur “Kalamia” në afërsi të Artës, gjatë orëve të para të së dielës.

Sipas Antidrogës, dy shtetasit e arrestuar u kapën në flagrancë duken ngarkuar sasinë prej 58.4 kg lëndë narkotike, e llojit kanabis sativa.

Policia sqaron se, lënda narkotike ishte e vendosur në 53 pako të izoluara me celofan.

Autoritetet thanë se dy shqiptarët e kishin fshehur drogën në një zonë bujqësore dhe herë pas here ngarkonin nga ai vend sasi të ndryshme, të cilat i dërgonin në Athinë, ku edhe shpërndaheshin prej bashkëpunëtorëve të tyre shqiptarë.

Për transportimin e drogës ata përdornin edhe dy autovetura, të cilat u sekuestruan në cilësinë e provës materiale. Dy të arrestuarit do të dërgohen paraditen e së hënës në gjykatë, për masë sigurie.

Komentet

Shto koment

Të ngjashme