Kronikë

Tre të arrestuar për vjedhje të drunjve në Suharekë

Policia e Kosovës përmes një komunikate për media bën të ditur se ka arrestuar tre persona për vjedhje të drunjve, në dy raste të ndryshme.

Të dy rastet kanë ndodhur në fshatin Delloc të Suharekës, transmeton Koha.net.

Në rastin e parë është arrestuar një burrë, i cili kishte të ngarkuar rreth 6 m3 dru që dyshohet se kanë vjedhur në parkun nacional të fshatit. PK thotë se i dyshuar është arrestuar dhe me urdhër të prokurorit është dërguar në mbajtje, ndërsa traktori me dru është konfiskuar.

Në rastin e dytë, poashtu në fshatin Delloc, janë arrestuar dy burra, të cilët kishin në automjet rreth 2 m3 dru, që dyshohet se janë vjedhur në parkun nacional të fshatit. Të dyshuarit janë arrestuar dhe me urdhër të prokurorit janë dërguar në mbajtje, ndërsa automjetit me dru është konfiskuar.