Policia Rajonale e Prishtinës për 9 muaj identifikoi 240 raste posedimi narkotikësh Foto: Koha / ilustrim

Policia Rajonale e Prishtinës për 9 muaj identifikoi 240 raste posedimi narkotikësh

05 tetor 2017 11:42

Gjatë ditës së djeshme, në dy raste të ndara janë arrestuar tre persona të dyshuar për posedim të substancave të dyshuara narkotike, bën të ditur Policia e Kosovës..

Personi i parë është arrestuar rreth orës 14:30, në një shkollë në Fushë-Kosovë, ku një të mituri (16 vjeç) i është gjetur dhe konfiskuar një sasi e substancës së dyshuar narkotike. Ndërsa dy persona të tjerë (19 dhe 23 vjeç), janë ndaluar rreth orës 18:00, nga njësitet policore të Lipjanit, derisa të dyshuarit ishin në një automjet (Golf 2), duke lëvizur në rrugën “Shën Flori” në Lipjan. Në automjet pas një kontrolle rutinë , policia ka gjetur dhe konfiskuar një sasi të substancës së dyshuar narkotike.

Pas përfundimit të procedurave të nevojshme policore, tre personat e dyshuar. me urdhër të prokurorit të Shtetit, janë liruar në procedurë të rregullt.

Në Drejtorinë Rajonale të Policisë në Prishtinë që nga 1 janari i vitit 2017 deri më sot janë iniciuar mbi 240 raste të posedimit të paligjshëm të narkotikëve.

© KOHA. Të gjitha të drejtat janë të rezervuara.

Komentet

Shto koment

Të ngjashme