Tre të arrestuar për përfshirje në një rast tentim-vrasje në Prishtinë

Tre të arrestuar për përfshirje në një rast tentim-vrasje në Prishtinë

21 shtator 2017 13:52

Prishtinë, 21 shtator – Dje në ora 17:20, policia ka marrë informacionin se në një objekt, në rrugën “B” në Prishtinë, ka pasur të shtëna me armë zjarri.

Menjëherë pas marrjes së këtij informacioni në vendin e ngjarjes kanë dalë të gjitha njësitet e nevojshme policore, të mbështetura edhe nga njësiti rajonal për hetimin e krimeve si dhe njësitë e tjera për ekzaminim të vendngjarjes.

Bazuar në rezultatet e hetimeve fillestare, ngjarja është nxitur nga një zënkë e momentit, e cila ka përshkallëzuar në një përleshje në të cilën kanë qenë të përfshirë disa persona, është shtënë me armë zjarri, është përdorur arma e ftohtë (thikë) si dhe mjete të tjera të forta.

Në këtë rast janë lënduar 3 persona:

o A. S, mashkull , 37 vjeç, shtetas i Republikës së Kosovës ( i goditur me mjetë të fortë ),

o G.A, mashkull , 26 vjeç, shtetas i Republikës së Kosovës ( i therur me thikë ) dhe

o P. S, mashkull , 21 vjeç, shtetas i Republikës së Kosovës ( i therur me thikë),

të cilët menjëherë janë dërguar për trajtim mjekësor. Po të njëjtëve persona, pas marrjes së autorizimit nga ana e prokurorit të Shtetit, u është shqiptuar masa e ndalimit policor për 48 orë.

Aktualisht puna policore për identifikimin dhe arrestimin e personave të tjerë, si të dyshuar të mundshëm po vazhdon, ndërkohë që lidhur me këtë ngjarje në polici është iniciuar rasti vrasje në tentativë dhe lëndim trupor.

Komentet

Shto koment

Të ngjashme