Një ngjarje e rëndë ka ndodhur ditën e sotme në qytetin e Fierit. Bëhet e ditur se një 29-vjeçare ka përfunduar në gjendje të rëndë pasi dyshohet se ka rënë nga ballkoni i banesës së saj, raporton Shekulli.

Policia e Fierit ka njoftuar se ngjarja ka ndodhur rreth orës 10:10, në lagjen “Konferenca e Pezës”, ku shtetasja me inicialet N. F., është rrëzuar nga ballkoni i katit të tretë të pallatit.

Gjithashtu mësohet se 29-vjeçarja ndodhet në gjendje të rëndë për jetën në spitalin e qytetit. Policia ka nisur hetimet për zbardhjen e plotë të ngjarjes, për të kuptuar nëse ishte rënie aksidentale apo hedhje.