Policia e Gjilanit përmes një komunikate për media bën të ditur se në periudhën 2-8 gusht janë arrestuar 37 persona.

Nuk është saktësuar përse janë bërë këto arrestime, përveç në dy raste, në të cilin Policia thotë se është bërë një arrestim për posedim të narkotikëve, si dhe për pengim të personit zyrtar gjatë kryerjes së punës, transmeton Koha.net.

Në këtë periudhë në rajonin e Gjilanit kanë ndodhur 77 incidente, 17 aksidente trafiku me lëndime, kurse 45 aksidente të tjera me dëme material, por nuk ka pasur asnjë aksident me fatalitet.

Policia bën të ditur gjithashtu se ka shqiptuar 1234 tiketa në komunikacion.