Kronikë

Në “Mati 1”, gjen në mëngjes në oborrin e tij foshnje të braktisur

Një foshnje e porsalindur është gjetur e braktisur në lagjen “Mati “1 në kryeqytet.

Foshnja është gjetura rreth orës 5 të mëngjesit, nga Pajtim Sopi.

Ai menjëherë e ka lajmëruar Policinë e Kosovës.

Policia e ka konfirmuar rastin, duke shtuar që menjëherë njësitet relevante policore dhe ndihma e shpejtë kanë dalë në vendin e ngjarjes. Autoritetet shëndetësore kanë marrë foshnjën, e kanë dërguar në QKUK dhe sipas mjekut, gjendja e bebes së gjinisë femërore është stabile.

Me urdhër të prokurorit, policia do të vazhdojë hetimet.