Aktakuzë për asgjësim të dokumenteve të votimit

Aktakuzë për asgjësim të dokumenteve të votimit

13 qershor 2017 16:36

Prokuroria Themelore në Prishtinë dje ka ngritur aktakuzë kundër të pandehurit D.P. për vepër penale “Asgjësimi i dokumenteve të votimit nga neni 220 i Kodit Penal të Republikës së Kosovës, e që lidhet me procesin zgjedhor të 11 qershorit 2017, njofton kumtesa, transmeton Koha.net.

Sipas aktakuzës, i pandehuri D.P., në qendrën e votimit në fshatin Dobratin të Graqanicës, nën ndikim të alkoolit i revoltuar me arsye se kinse djali i tij nuk po lejohet të votojë në mungesë të dokumenteve identifikuese të Kosovës, ka ofenduar anëtarët e komisionit zgjedhor dhe fletëvotimin e vet e ka dëmtuar duke e shqyer.

Pas veprimeve hetimore dhe ngritjes së aktakuzës, sot është mbajt seanca gjyqësore e shqyrtimi fillestar, ku i akuzuari e ka pranuar fajësinë dhe nga Gjykata kompetente është shpallur fajtor për veprën e kryer.

© KOHA. Të gjitha të drejtat janë të rezervuara.

Komentet

Shto koment

Të ngjashme