Policia e Kosovës ka bërë të ditur se gjatë ditës së djeshme ka arrestuar tre persona për organizim të lojërave të fatit në Prishtinë.

Dy persona janë arrestuar në rrugën “Viktor Majer” të Prishtinës, të cilëve i janë sekuestruar tri shtëpiza kompjuterike, pesë TV dhe disa tiketa të bastorës.

Ndërsa personi i tretë është arrestuar në rrugën “Bajram Bahtiri” në Prishtinë, po ashtu për organizim të lojërave të fatit, transmeton Koha.net.

Me vendim të prokurorit, personat e arrestuar janë dërguar në mbajtje.