Kronikë

Gjendet i vdekur një person në Shkodër

Një 28 vjeçar nga fshati Kullaj i Shkodrës , i cili ishte larguar nga banesa para disa ditëve dhe vuante nga depresioni është gjetur i mbytur në ujë në një kanal vaditës afër banesës.

Policia njofton se nga këqyrja paraprake nuk janë konstatuar shenja dhune dhe shkaku i vdekjes dyshohet të jetë mbytja në ujë.

“Më datë 07.12.2019, rreth orës 22.30, nga familjaret e tij është gjetur i mbytur në ujë në një kanal vaditës afër banesës së tij në fshatin Kullaj, Shkodër, shtetasi L.B., 28 vjeç, i cili ishte larguar nga banesa para disa ditëve dhe vuante nga depresioni. Nga këqyrja paraprake nuk janë konstatuar shenja dhune dhe shkaku i vdekjes dyshohet nga mbytja në ujë”, thuhet në deklaratën e Policisë./Tch/