Kronikë

Një muaj paraburgim për burrin që vrau bashkëshorten aksidentalisht në Gjilan

Foto: Koha

Gjykata Themelore në Gjilan ka caktuar masën e paraburgimit prej 30 ditësh burrit që vrau aksidentalisht bashkëshorten e tij natën e Vitit të Ri.

Më 01 janar 2019, rreth orës 00:10 minuta, në fshatin Selishtë të Komunës së Gjilanit, nga pakujdesia, me pushkën e tij të gjuetisë, të cilën e ka poseduar pa leje dhe autorizim, e ka privuar nga jeta bashkëshorten e tij, tani të ndjerën Z. J..

“Gjyqtari i procedurës paraprake, pas shqyrtimit të shkresave të lëndës, ka konsideruar se janë përmbushur kushtet ligjore për caktimin e masës së paraburgimit, pasi që i njëjti po të gjendet në liri, mund të arratiset apo fshihet dhe në këtë mënyrë do të pamundësohet rrjedha normale e procedurës penale”, thuhet në komunikatën e Gjykatës Themelore në Gjilan.