Policia e Kosovës ka njoftuar sot se në zbatim të masave në bazë të Ligjit për parandalimin dhe luftimin e pandemisë Covid-19, mbrëmë zyrtarët policorë nga Stacioni Policor Malishevë, së bashku me inspektorët e AUV-it kanë inspektuar lokalet në qytetin e Malishevës dhe me këtë rast kanë mbyllur 3 lokale.
Njësitë policore sipas njoftimit së bashku me inspektorët e AUV-it, kanë vepruar në disa ekipe dhe kanë inspektuar në të njëjtën kohë 3 lokale në këtë zonë, ku edhe janë mbyllur lokalet e sektorit të gastronomisë të cilave iu është ndaluar përkohësisht veprimtaria.
Policia e Kosovës me këtë rast apelon tek qytetarët që t’i respektojnë vendimet e qeverisë dhe të IKSHPK-së, në të kundërtën tërheqë vërejtjen se "për qytetarët që nuk i respektojnë vendimet toleranca do të jetë zero".
-
15 shtator 2021 19:12
-
Shpërndaje në: