Policia e Kosovës ka njoftuar se një person në Podujevë i cili po voziste një veturë me targa të huaja, ka shkrepur me armë në drejtim të një veture tjetër.
Rasti ka ndodhur të hënën rreth orës 14:25 ku në makinën ku është gjuajtur me armë kanë qenë prezent katër persona. Nuk raportohet për ndonjë të lënduar.
Policia njofton se në vendin e ngjarjes kanë gjetur një gëzhojë të fishekut derisa personit të dyshuar i është bastisur shtëpia duke iu gjetur një pistoletë me dy fishek.
“Nuk dihet motivi i rastit, i dyshuari gjendet në arrati, rasti vazhdon të hetohet”, thuhet në njoftimin policor.
-
15 dhjetor 2020 09:43
-
Shpërndaje në: