Shërbimi Korrektues i Kosovës ka suspenduar dy zyrtarë, për shkak të arratisjes së dy të miturve nga Qendra Korrektuese në Lipjan.

Sipas njoftimit, deri te suspendimi është ardhur për shkak të dyshimit se zyrtarët korrektues gjatë kryerjes së detyrës zyrtare kanë shkelur procedurat e sigurisë institucionale.

“Lidhur me rastin, Shërbimi Korrektues i Kosovës ka iniciuar procedure disiplinore dhe ka caktuar Komisionin Hetimor të Brendshëm, i cili do të hetojë rastin në tersi”, thuhet në njoftim.