Kryeparlamentari Xhaferi pranon çelësin e qytetit të Suharekës

Kryeparlamentari Xhaferi pranon çelësin e qytetit të Suharekës

19 shkurt 2018 08:45

Kryetari i Kuvendit të Republikës së Maqedonisë, Talat Xhaferi, të dielën, ka pranuar çelësin e qytetit përkatësisht titullin “Qytetar Nderi” i Komunës së Suharekës, në një ceremoni solemne të organizuar nga organet komunale të Suharekës.

Kryeparlamentari Xhaferi ka vlerësuar se ky titull e bën atë më të ndërgjegjshëm në veprimtarinë e mëtejme, për faktin se mban përgjegjësi edhe ndaj qytetarëve të Suharekës, shkruan sot “Koha Ditore”.

Sipas njoftimit të Zyrës Komunale për Informim, gjatë qëndrimit në Suharekë, Xhaferi i shoqëruar nga ambasadori i Maqedonisë në Kosovë, Ilija Strashevski ka zhvilluar një takim me kryetarin e Komunës, Bali Muharremaj, në zyrën e këtij të fundit, derisa më pastaj është mbajtur edhe akademia solemne për ndarjen e titullit “Qytetar Nderi”.

Gjersa ka pranuar çelësin e qytetit të Suharekës, kryeparlamentari i Maqedonisë ka pohuar se nga dita e sotme suharekasit i ka bashkëqytetarë dhe se ky fakt do ta bëjë atë më të përgjegjshëm në punën që bën tani dhe në të ardhmen... (më gjerësisht lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.

Komentet

Shto koment

Të ngjashme