Mandatin e kaluar katërvjeçar LDK-ja ka qeverisur me PDK-në dhe ky koalicion dy-tri herë ka qenë para ndarjes, por është mbajtur me zor deri në fund. LDK-ja sërish iu ka afruar PDK-së për vazhdimin e këtij koalicioni edhe një mandat tjetër.

Burime brenda Degës së PDK-së në Pejë tregojnë se ka diçka prej bisedave mes tyre, pasi, sipas këtyre burimeve, Muhaxheri është fitues dhe duhet të afrohet. “Ka nga pak negociata dhe biseda, por po presim...”, thotë njëri prej këtyre burimeve. Mirëpo dy krerët e Degës së PDK-së në Pejë nuk i hapin letrat që t’iu shihet në to, shkruan sot Koha Ditore.

“Se a do të vazhdohet koalicioni varet prej bisedimeve që i bën kryetari i Degës së PDK-së, Xhavit Haliti, me Gazmend Muhaxherin. Nuk e di a kanë biseduar a jo, se nuk kam informata. Edhe nëse kanë biseduar diçka zyrtare nuk ka”, thotë Muhamet Mahmutaj, nënkryetar i Degës së PDK-së në Pejë...(Më gjerësisht mund të lexoni në Koha Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.