Kryetari në detyrë i Rahovecit, Idriz Vehapi, me rastin e përurimit të bustit të atdhetarit Ukshin Hoti, ka vlerësuar se për njerëzit e mëdhenj si Ukshini, që kurrë nuk iu nda idealit për shtetësinë e Kosovës, ne do të lëmë fakte fizike, që gjeneratat e reja ta kenë sa më afër emrin dhe figurën e tij.

“Për njerëzit e mëdhenj si Ukshin Hoti, që kurrë nuk iu nda idealit për shtetësinë e Kosovës, përveç historisë që do ta bartë veprën e tij përjetësisht, ne do të lëmë edhe fakte fizike, që gjeneratat e reja ta kenë sa më afër emrin dhe figurën e tij! Sot e përuruam edhe bustin e Ukshin Hotit në oborrin e shkollës në Krushë të Madhe që mbanë emrin e tij”, ka shkruar Vehapi në Facebook.