Shoqëria civile kërkon hetime ndaj Kuvendit të Novobërdës

Shoqëria civile kërkon hetime ndaj Kuvendit të Novobërdës

04 nëntor 2017 13:32

Shoqëria Civile kërkon nga prokuroria që të nisë hetimet ndaj Kuvendit Komunal të Novobërdës dhe këshilltarëve komunalë, të cilët kishin shfrytëzuar paranë publike për të blerë orë dore me vlerë 1 mijë euro copa e për të cilat ishte shpallur tenderi nga Zyra e prokurimit.

Ndërsa Ministria e Financave nuk ka njohuri se me paranë publike po bëhet “shopin” ndonëse Ligji për menaxhimin e financave publike saktëson se paraja publike përdoret vetëm për qëllimet e miratuara publike dhe asnjë autoritet publik, organizatë buxhetore person apo ndërmarrje nuk mund ta keqpërdorë atë, shkruan sot Koha Ditore.

Artan Demhasaj nga organizata “Çohu” deklaron se aktivizimi i prokurorisë është i nevojshëm, ngase bëhet fjalë për keqpërdorimin e parasë së taksapaguesve. Ai thotë se disa komuna nuk janë duke u treguar të përgjegjshme sa i përket mënyrës sesi shpenzohet paraja publike.

(Artikullin e plotë mund ta lexoni në numrin e sotëm të Kohës Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.

Komentet

Shto koment

Të ngjashme