Arbëri

Në Prizren shembet muri i objektit të trashëgimisë kulturore

Rreth orës 16:05 minuta, policia në Prizren dje e ka pranuar një informatë e cila bënte me dije se në rrugën “Hysen Rexhepi” është rrënuar muri i objektit të “Kryqit të Kuq”, i cili është nën mbrojtje si monument i trashëgimisë kulturore. Në vendin e ngjarjes kanë dalë hetues policorë dhe krim-teknikët, të cilët kanë kryer procedurat hetimore në prezencë të zyrtarëve komunalë kompetentë.

Rrëzimi i murit dyshohet të ketë ndodhur pasi një i dyshuar, gjatë punës me ekskavator, duke hapur një bodrum, nuk ka ndërmarrë masat e duhura për mbrojtjen e murit.

Me urdhër të prokurorit të shtetit, i dyshuari ndalët nën masën e arrestit policor.