Auditori gjen shumë parregullsi në qeverisjen e Podujevës

Auditori gjen shumë parregullsi në qeverisjen e Podujevës

07 korrik 2017 10:30

Komunarët e Podujevës nuk kanë dalë të jenë respektues të ligjeve, rregulloreve e udhëzimeve administrative. Shumë shkelje janë gjetur nga Zyra Kombëtare të Auditimit në raportin e saj vjetor për këtë komunë, shkruan sot Koha Ditore.

Për më tepër, zyrtarët komunalë kanë nxjerrë edhe rregullore që nuk janë në harmoni me aktet tjera nënligjore. Në raportin e ZKA-së për vitin 2016 shihet se e njëjta komunë ka pasur dobësi në aktemërimet e karrierës, kompensimet e stafit dhe rekrutimit.

Në katër mostra të marra nga ZKA-ja është vërejtur që aktemërimet e karrierës së shërbyesve civilë janë me afat të caktuar kohor, e që nuk janë në harmoni me Ligjin e shërbimit civil, sipas të cilit nëpunësit civilë në pozitat e karrierës pranohen në punë pa afat. Në mesin e këtyre mostrave, sipas Auditorit, janë edhe aktemërimet për drejtorin e Njësisë së Auditorit të Brendshëm (NJAB)dhe auditorit të brendshëm.

(Teksti i plotë sot në Koha Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.

Komentet

Shto koment

Të ngjashme