Në fshatin Lupç i Poshtëm të Podujevës është duke u realizuat projekti i zgjerimit dhe rregullimit të shtratit të Lumit Llap, transmeton Koha.net.
Për të përcjell nga afër punimet në realizimin e këtij projekti, kryetari i Komunës së Podujevës, Agim Veliu dhe drejtori i Drejtorisë së Shërbimeve Publike, Faik Muçiqi, vizituan sot segmentin e lumit Llap në Lupç, ku është duke u kryer zgjerimi dhe rregullimi, njofton kumtesa komunale.
Me këtë rast kryetari Veliu tha se realizimi i këtij projekti bëhet në kuadër të investimeve kapitale në zgjerimin dhe rregullimin e shtretërve të lumenjve.
Projekti për zgjerimin dhe rregullimin e shtratit të Lumit Llap në Lupç i Poshtëm përfshinë një gjatësi prej 3.7km. Atje tashmë është kryer pothuajse në tërësi faza e zgjerimit dhe ka mbetur të kryhet edhe rregullimi dhe vendosja e mureve mbrojtëse në disa zona të shtratit të lumit.
-
22 qershor 2017 15:03
-
Shpërndaje në: